مطر مطر مطر

موضوع: مطر مطر مطر الإثنين نوفمبر 24, 2008 12:13 am

مطر مطر مطر و آخر استسقاءات الروح

مطر ........

مطر ... و الجدب يسكني بدونك و المطر سلـواي

فـ.. لحظات الغياب اللي سرت به قسوة ازمانـي

غيابك لو ثواني قصـار يكـرِّه خاطـري بدنيـاي

ثوانيك بسنيني اللي مضـت ...و الباقـي الفانـي

أحاول بالصبر ألقـى ثبـات و غيبتـك باقصـاي

تزلزلني .... و ينذرنـي ظمـاي بموتـي الدانـي

حبيبي لا نشف غصني و جفَّت دنيتي شـ.. الراي؟

أموت من الظما ؟ و الاَّ ... تحن و تروي اغصاني؟

بعَض مافيك يقتلني ظما و القى فـبعضَـك مـاي

و أرد احيا بك و أحياك مثل ما ( إنـت ) تحيانـي

حبيبي ودَّع الخافق بقايا الصبـر و اللـي جـاي

جفيته قبل لا تعصـف بـه اشواقـي و يجفانـي

دخيلة هالدفا ولى شتـا العالـم و طـال شتـاي

ابشعلك فـهشيم الـروح دفـا يسـري بوجدانـي

تعال و خلني القى بـك اهلـي موطنـي مـأواي

تعال و خلني انفي الظمـا و الضيـم و احزانـي

على ( عين الذي لذَّت عيونه ) فـ.. غيبتك ببكاي

تعال و دثّر احساسي بـغيض احسـاس عادانـي

تعال و خلهـا تمطـر بشايـر غايتـي و منـاي

و يرجعلي هنـا عمـري عقـب ماهـو تعدانـي

حبيبي كنت اهدد بك ليالـي مـا مشتهـا خطـاي

و شفتك في الصباح اللي شعـورك فيـه مشانـي

على كثر اللي قد مروا بحياتـي أو بقـوا ويـاي

أحس القلب من قبلك قضى هالعمـر ( وحدانـي )

( مطر ) ايش الذي أرجي بعدما جيت في دنياي؟!

قسم انك مطر هالروح و لا احتاج المطـر ثانـي

اللهم اغاثنا اللهم اميــــــــــــــــــــــــــن الشعر جميل بصراحة