قصيدة عن الزعيم اجمع حروفي للبطل واكتبه زين
وعسى حروفي تستحق الكتابه
في هالزعيم اللي رجاله مضحين
افعالهم بالجود كله تشابه
بكأس فيصل قالوا حنا اللي بادين
كأس الفقيد اللي بكينا ذهابه
وكأس المؤسس قدمه خادم البيتين
ذكرى البطل عبدالعزيز ابتدى به
وكاسك يابو متعب نشيله باليدين
بيد ابو عبدالعزيز حلو الذهب اعتلى به
ومن ورى ابو سلطان ناس وفيين
وابن سعيد اللي يأسس من سنين
قايد زعيم الفن وفاتح ابوابه
نبي من ابو مساعد بس بيتين
يشد فيها عزم الزعماء لا شدى به
جيل النعيمه والمصيبيح وحسين
نجوم الذهب يوم الملاعب ترابه
يوسف وسامي للمواهب براهين
عاش النمر ويعيش ذيب الذيابه
وهذا الدعيع حارس العام الفين
والتايب مافي اجمل من العابه
يالشلهوب وعزيز خذوا صكين
للمنتخب تلقاهم وقت الصعابه
والغامدي اللي شوتته تجلب البين
والزوري فذ كل فن زهابه
وياسر مع كورته فن وتلحين
والدوسري والفريدي نجوووم شابه
وفي المدرب خطه وزود تقنين
ومن كثر من العسل زاد التهابه
وباقي لعيبتنا تراهم موفين
هم جاعلين الموج فوق السحابه
دمتم جميعا بوووووووووود
__________________
